Çeçenistan parlamenti şagirdlərin məktəblərə dini və milli ənənələrə uyğun rəmzlər və geyimlərlə gəlməsinə icazə verən qanun layihəsi qəbul edib.
Bu barədə martın 31-də RİA Novosti agentliyi məlumat yayıb.
Xatırladaq ki, Respublika lideri Ramzan Kadyrov bu yaxınlarda bildirmişdi ki, hicablı qızdan düşmən obrazı yaratmaq lazım deyil.
Parlamentin sədri Mogamed Daudov bildirib ki, qanun layihəsi təhsil müəssisələri və təhsil alanların konstitusyon hüquqlarına əməl edilməsi baxımından mübahisəli deyil.
Parlamentdə həmçinin yeni qaydaların, Rusiyanın təhsil qanununa zidd olmadığı qeyd edilib.
Xatırladaq ki, orta məktəblərə hicab və digər dini geyimlərlə gəlmək Rusiyada cəmiyyətində dəfələrlə mübahisələrə səbəb olub.
Rusiyanın təhsil naziri Olga Vasilyeva yanvarın sonlarında bildirmişdi ki, inaclılar dinə olan münasibətlərini zahiri atributlarla göstərməməlidirlər.
Çeçenistan lideri Ramzan Kadyrovsa onun bu sözlərini kəskin tənqid eləmiş və demişdi ki, hicaba qarşı çıxanlar qoy məktəblərdə başqa problemlərin həlliylə məşğul olsunlar.
Buna da bax. Müəllimələrə hicab olar, şagirdlərə yox.
