Məhəmməd Rza Ləvai. Yalnızlıq

Nifrət yırtır ağzını
Şeytan köynəyinə calanıb
Və bir az da tülkü saqqalına
Bələnibsən
Zülmət çəkir gözlərin bilirəm
Yalnız ölüm sənə dözər !..
Turbalarda axan məqsəd su deyil,
Sancıdır!
Mətbəxin insan dadındandır
Barmaqlarını yırtacağam bir gecə
Sonra dodaqlarını tikəcəyəm öpüşlərimə
Ola bilər saçlarında quş tutdurum ?!
Burax məni, burax
Üsyanımda ürək qalmayıb
Sənin dərdini çəkmək,
Ən böyük rəssamlıqdır demək !
Və mən yoxam,
Ay mənim yalnızlığım.


Kultaz