Müasir insanın iyi
Bilirsiniz, niyə pis iy gəlir şəhərimizdən?
Bir tikə çörək xatirinə yüz tikə pox yeyir
müasir insan.
Allahın on illik fəaliyyəti
Doğmur,
doğulmur,
doğurtmamalıdır
doğurtur
Yekə başlı qotlar,
qırx ayaqlı vandallar
Yanus üzlü despotlar doğurtur
Allah özünü doğrultmur
Ölümün taleyi
Ölümü axtarıb ölüdə tapırlar
Ölüdə ölümdən əlamət yoxdur.
Ölü cansızdır, ölüm diri
Ölü uzanıb, ölüm yeriyir
Ölü danışmaz,
heç vaxt danışmaz
Ölüm isə hər yerdə sözünü deyir
Ölünün borcu olmur.
Ölümünsə borcu var
hamımıza borcu var.
Ən qara xəbər ölüm deyil
bəzən, ölə bilməməkdir
Birdən gördüm yaşayıram
yəni, məsələn üşüyürəm
qorxdum.
Elə bilirdim yoxam
qadınlar yoxdur /
sevgiləri, dodaqları yoxdur.
kirayə pulu, işıq pulu qaz pulu yoxdur.
Mamon yoxdur,
Mamonun oğlu yoxdur,
ona əyilənlər yoxdur.
Çoxdandır yox idim
Birdən üşüdüm,
həm də qapı döyüldü.
Burdalıq
Bu gün mən burdayam,
otuz yaşım var,
əzilməkdəyəm.
İndi məndən ancaq diktator olar.
Məzlumların qabarlı əlləridir,
düşünən başlarıdır
zalımları yaradan
Fəhlə daş hörərkən,
Uşaq baxçaya gedərkən,
Ağ səhifənin üstündə
Şair qələm oynadarkən,
Evdar qadın evindəcə döyülərkən
doğulur zalım,
doğulur və böyüyür...
....................................................
İndi məndən ancaq diktator olar.
Alatoran
