Xatirə Nurgül. Gediş bileti

Alnında dağınıq saçların
qolunda qara çanta
əlində gediş bileti
və itirilən bir çox şeylər
səni apardı bu şəhərdən
bu şəhəri məndən

anladım ki, vağzallar
görüş yox ayrılıq yeridir
düşüncələri sərxoş olmayan adamlar üçün
Əsl ağlamaq yeridir
qadınlar üçün

Silib göz yaşlarımı
geri qayıtdım
hamı qayıdırdı
hərəmiz öz içimizdə
yeni şəhərlər tikməyi düşünürdük
...üşüyürüdük.