Nә dadlı meyvәpәrvәrdir görün bustani-hürriyyәt,
Tәlәb qılmaqda hәr bir üzv ümumin ehtiyacatın,
Qurulmuş paytәxt içrә bu gün divani-hürriyyәt.
Vücudә gәlmәk üçün mәdәlәt, hәqqin, müsavatın
Gәrәk әvvәlcә olsun әn geniş meydani-hürriyyәt.
Әdalәt zahir olmaz lәmәpaş olmazsa afaqә,
Zühuri-әdlә lazımdır xuri-tabani-hürriyyәt.
Hüquq isbatinә lazımdır olsun fikrlәr azad--
Ki, hasil eylәsin vicdanlar itminani-hürriyyәt.
Gәdanın baydәn, bayın gәdadәn olmasın fәrqi,
Hamı övladi-insandır deyir hәr an hürriyyәt.
Kimi tәxti-sәadәtdә, kimi qalsın sәfalәtdә,
Buna razı deyildir, şübhәsiz, vicdani-hürriyyәt.
Buna qarşı cahan olsa cәbinsayi-übudiyyәt,
Deyil cayi-tәәccüb, ey olan heyrani-hürriyyәt.
Çalışmaqlıq gәrәk hәr kәs bu yolda qәdrü sәyincә,
Edәr kәsbi-mәtanәt sәy ilә bünyani-hürriyyәt.
Vәtәn övladı qәmpәrvәr, vәtәn viranәzar olmuş,
Xәrababad bir mülkü edәr imran hürriyyәt.
Bu әdvari-maarifdә bütün millәtdәn әfzuntәr--
Gәrәk biz millәti-islam olaq cuyani-hürriyyәt.
Neçin kim, binәsibiz biz hüquqi-adәmiyyәtdәn,
Hәqi-mәşruimizçin olmalı qurbani-hürriyyәt.
Bu ol әsri-tәmәddündür әsasü rükni hәqqiyyәt:
Müsavat, әdalәt, bir dәxi ünvani-hürriyyәt.
Basıldı lәşkәri-bidad, mәqhur oldu istibdad,
Livayi-nüsrәtin dikdi bu gün sultani-hürriyyәt.
Bәşarәt, әyyühәl-ixvan, tiği-әdlpәrvәrlә--
Edib pakizә şәhrin zülmdәn xaqani-hürriyyәt.
Kimi hürri-әmir olsun, kimi әbdi-әsir olsun--
Bunu cayiz görәr zәnn eylәmәm divani-hürriyyәt.
Ucaldıb rayәti-әdli, de ayati-müsavati,
Elә eyvani-zülmü xak ilә yeksan, hürriyyәt!
Bizә sәndәn yetәr imdad, sәnsәn rәhbәri-irşad,
Sәnә hәr dәmdә vacibdir qılaq şükran, hürriyyәt.
Bü rahi-pürxәtәrdә ey bәsa әhrari-qәmpәrvәr--
Edib ibrazi-qeyrәtlә özün qurbani-hürriyyәt.
Hәqiqәt hürr olanlar sәy edәr nәfi-rәayayә,
Keçib әn sevgili candan verәrlәr can, hürriyyәt.
